Alba Cobo habita o mundo a través da arte e das palabras. Agora presenta Agotadas, o seu primeiro libro: un ensaio feminista sobre o cansancio estrutural das mulleres e o descanso coma un acto político e de resistencia.

A partir desta obra nace Agotadas — The Experience, unha proposta inmersiva que transforma a lectura nunha vivencia artística, corporal e colectiva. A súa intención é crear un espazo íntimo e transformador onde o público poida explorar as palabras e a arte como ferramentas de expresión e coidado, e sentir o descanso e o coidado comunitario como un xesto político e poético ao mesmo tempo.

Durante 2 horas, a experiencia incluirá:

• Espazo de descanso e coidados colectivos
• Lectura compartida dun capítulo con conversa guiada
• Práctica corporal e de escoita polo universo visual de Agotadas
• Creación do Fanzine do Descanso

Ademais, a experiencia estará acompañada pola colección artística de ‘Agotadas’: unha serie de ilustracións e instalacións sensoriais creadas para expandir o universo visual do libro.

Data: 16/10/2025
Hora: 19:00 h
Prezo: de balde