Agora é o tempo

Francisco Castro presentará o seu primeiro disco titulado AGORA É O TEMPO en El Corte Inglés de Vigo mañá xoves ás 19 horas no departamento de libraría (planta 5ª) de El Corte Inglés.

O músico e escritor Francisco Castro interpretará, en formato acústico, varios dos temas presentes no disco. O acto é de entrada libre ata completar aforo.

O disco conta na produción con Federico Welicki e, foi gravado entre Vigo, A Estrada, Madrid, Los Ángeles, Buenos Aires e Seattle. A súa música gravita arredor de ritmos pegadizos e, sobre todo, letras intensas revestidas dunha intensa forza poética. Trátase de letras e músicas para reivindicar a vida pero tamén para pelexar contra dunha realidade que merece ser, cando menos, pensada. Cancións que explican quen é Francisco Castro, como sinte, e que quere do mundo.