O programa Ama o teu Mercado, que busca dinamizar estes espazos, arranca este venres 26 de maio ata o sábado 10 de xuño. Os diferentes mercados vigueses (Berbés, Bouzas, Cabral, Progreso, Calvario, Teis e Travesas) acollen actuacións musicais, showcookings, degustacións, performances e outro tipo de actividades ao longo de dúas semanas.

Entre os artistas que actuarán están Alberto Cunha, La Buena Vida, María José Albertoni e a Coral Polifónica de Teis.