bannerEspazoFest
Banner sonrias

marzo, 2021

09mar(mar 9)17:3029mai(mai 29)20:30A Vida LentaARTE E MUSEOS | De balde(marzo 9) 17:30 - (maio 29) 20:30 Sede Afundación

Detalles do eventos

A vida lenta conta con valiosos fondos documentais fotográficos e cinematográficos desde 1930 ata finais do século XX: a colección de Jaume Lloveras e Juan Piñeiro Andión (1978-1986), o arquivo do fotógrafo lugués Carlos Valcárcel e os Fondos Fotográficos do Ministerio de Agricultura, Pesca e Alimentación. Todos eles, acompáñanse de versos creados por algúns dos poetas gañadores do Premio de Poesía Afundación, como Olalla Cociña, Miguel Sande, Gonzalo Hermo e Oriana Méndez, co obxectivo de reflexionar sobre a presenza do rural na cultura contemporánea. A banda sonora da mostra, unha creación de Moisés Quintás realizada con instrumentos tradicionais, recrea o chiar dos carros, o ouvear dos lobos, o xirar das rodas de muíño ou o cravuñar das gadañas.

Con esta iniciativa, Galicia convértese na primeira comunidade de España en abordar unha exposición monográfica cos fondos catalogados polo Ministerio de Agricultura, Pesca e Alimentación. Ao ser imaxes tomadas polos organismos públicos do Franquismo, moitas delas mostran os avances tecnolóxicos e sociais no rural daqueles tempos, como nova maquinaria agraria, charlas instructivas ou proxeccións de cinema, por exemplo.

A mostra complétase con actividades online e convidados de primeira liña, que desenvolven a creación contemporánea e de vangarda desde un forte compromiso co rural e que inspiran un necesario debate sobre a súa situación actual e as súas opcións de futuro. Participarán, entre outras figuras destacadas, Oliver Laxe, que está a traballar nun centro de desenvolvemento rural na aldea lucense onde filmou O que arde; ou a ilustradora e muralista Xoana Almar, da Cooperativa Cestola, quen recrea e dignifica en chave contemporánea, e cun estilo moi propio, o universo rural.

A exposición estará aberta ao público ata o 29 de maio de luns a venres de 17.30 a 20.30 h e sábados de 11.00 a 14.00 h e de 17.30 a 20.30 h.

Máis

Hora

Marzo 9 (Martes) 17:30 - Maio 29 (Sábado) 20:30

Localización

Sede Afundación

Rúa Policarpo Sanz, 24-26, 36202 Vigo, Pontevedra

X