A Viaxe dos Chévere

14abr20:00A Viaxe dos ChévereACTIVIDADES PARA O COCO | -20:00(GMT+02:00) Sala Ártika

Detalles do eventos

A Viaxe dos Chévere é un achegamento filmado ao traballo e á vida dun grupo de cómicos. A través dunha mirada moi persoal e poética, Alfonso Zarauza narra o desterro da compañía de teatro Chévere, expulsada da súa cidade en 2011 por un político corrupto, e a súa loita de resistencia para seguir mantendo a liberdade sobre o escenario despois de tantos anos. Unha loita e unha traxectoria que lle valeron a Chévere a concesión de Premio Nacional de Teatro no 2014. Unha película que fala da irracionalidade do poder e a cordura das artes, da volatilidade da acción política e a perdurabilidade do traballo creativo. Un filme que acredita na veracidade da ficción, nas illas flotantes, nos cabalos filósofos e nos cabarés nihilistas.

Durante varios meses, o cineasta e un reducido equipo acompañaron ao grupo Chévere no seu traballo diario mentres ensaiaban en Teo a Ultranoite no País dos Ananos, un axuste de contas satírico e musical coa Galicia dos últimos 25 anos. A película aliméntase e usa tamén o arquivo audiovisual que a Sala Nasa xuntou ao longo de 20 anos (1992-2011), que se converte nun personaxe fundamental do relato, como unha crónica feita a carón da súa desaparición, ocorrida en 2011.

O venres 14 ás 20:00 na Sala Ártica.

Máis

Hora

(Venres) 20:00(GMT+02:00)

Localización

Sala Ártika

Av. da Beiramar, 113, 36208 Vigo, Pontevedra

Other Events