O Lar de Sopas acollerá un concerto íntimo de voz e guitarra, protagonizado pola actriz e compositora cubana Orisel Gaspar e o cantautor vigués Pedro Román Company, acompañados por Pablo Vila e Pao Dojni.

O repertorio combinará cancións propias, poemas musicados de autores como José Martí e Nicolás Guillén e diferentes temas latinoamericanos, nun espectáculo arredor do amor, a emigración, a distancia e a identidade cultural. A proposta achega unha visión emocional de Cuba e Latinoamérica a través da música de autor e a poesía.