A Sala Rebullón arranca o ano novo cunha proposta de charlas e proxeccións culturais vinculadas á nosa terra. Terán lugar todos os venres do mes na Sala Rebullón e serán abertas e de acceso libre para todo o mundo. Ao remate de cada unha, farase un coloquio no que compartir e aprender en comunidade.

• Venres 9 (19:30h): Eduardo de Martís presenta o seu proxecto Galicia Latente (@galicia_latente) que se centra no estudo e valorización da identidade cultural galega.

• Venres 16 (19:30h): Celso López Pazos historiador e membro da Asamblea Republicana de Vigo (@arepublicanavigo) falará da represión na comarca desde o 1936 ata 1939.

• Venres 23 (20:00h): En colaboración co Club Peña Trevinca Montañeiros de Galicia (@clubpenatrevinca) celebrarase unha conferencia-coloquio co historiador Anselmo López Carreira sobre a Galiza medieval.

• Venres 30 (19:30h): Mabel Rivera e Enrique Banet presentarán a longametraxe “A loita final”, onde se analizan os efectos da instalación da macroplanta de celulosa de Altri preto de Palas de Rei. @fundaciongaliciaverde @plataformaulloaviva @palas_viva