novembro, 2019

06nov20:00'A Rosalía. Concerto para piano e voz emocionada'CONCERTOS | -20:00 Auditorio Municipal do Concello

Máis

Detalles do evento

Este mércores 6 ás 20:00 terá lugar no Auditorio do Concello a estrea nacional de A Rosalía, un concerto a piano e voz a cargo da pianista Rosa Torres-Pardo e da actriz Lucía Álvarez. Unha fermosa homenaxe á poeta galega e á influencia que exerceu sobre Federico García Lorca.

A pianista Rosa Torres-Pardo, Premio Nacional de Música en 2017, e a actriz Lucía Álvarez estrean no Auditorio Municipal do Concello a súa particular homenaxe á poeta Rosalía de Castro. Un dos aspectos que queren destacar é a faceta de Rosalía como música, xa que a famosa escritora tamén tocaba diversos instrumentos.

Neste monólogo a dous, o piano de Rosa e a voz de Lucía trazarán un percorrido vital de Rosalía, pasando pola súa parte romántica, pola emigración e pola súa morte. Tamén haberá espazo para os seis poemas que Federico García Lorca escribiu en galego, poeta moi influenciado pola obra e a figura de Rosalía. Música e poesía están moi ligadas na obra destes dous grandes autores.

Hora

(Mércores) 20:00

Lugar

Auditorio Municipal do Concello

Praza do Rei, 1, 36202 Vigo, Pontevedra

X