Este ano haberá polo menos dous espectáculos operísticos en Castrelos e unha zarzuela. O alcalde, Abel Caballero, vén de anunciar que a ópera Nabucco será representada no Auditorio de Castrelos o domingo 9 de agosto. Súmase á opera Carmen de Bizet, que se representará o 24 de xullo; e a noite de zarzuela, que terá lugar o 1 de agosto.

Nabucco, composta por Giuseppe Verdi e conformada por catro actos, foi estreada o 9 de marzo de 1842 no Teatro alla Scala de Milán. Baseada no Antigo Testamento, na obra Nabuchodonosor de Francis Cornue e Anicète Bourgeois, ambiéntase no conflicto bélico entre hebreos e babilonios.
En Castrelos será representada pola prestixiosa Ópera Nacional de Moldavia, conformada por 75 artistas coma solistas, coro e orquestra, que prometen unha impresionante posta en escena.

• 2 de xullo – Deep Purple
• 18 de xullo – Coral Casablanca
• 24 de xullo – Ópera Carmen
• 30 de xullo – Chayanne
• 1 de agosto – Noite de zarzuela
• 9 de agosto – Ópera Nabucco
• 11 de agosto – The Corrs
• 14 de agosto – Viva Suecia
• 15 de agosto – Iván Ferreiro