A música antiga resoa no Museo do Mar da man do III ciclo Ai Ondas

A Asociación Coro de Voces Graves de Vigo organiza o ciclo de música antiga Ai Ondas, que este ano celebra a súa terceira edición. Nesta ocasión as actuacións terán lugar ata setembro en diferentes lugares de Vigo, Redondela e Oia. A presentación do festival, tras celebrar en xaneiro un concerto de aninovo en Vila do Conde (Portugal), será o sábado 22 de febreiro ás 18:00 no Museo do Mar, en Vigo, con entrada de balde. O concerto leva por título 29 cordas (Tres séculos de música para guitarra), interpretado polo portugués Tiago Matias.