O próximo 24 de outubro , o Auditorio Mar de Vigo acollerá a un dos grandes nomes da música en español. Santiago Auserón presentará en directo o seu novo proxecto, La Academia Nocturna, un espectáculo onde reelabora algunhas das mellores cancións da súa traxectoria — tanto de Radio Futura como da súa etapa como Juan Perro — e estrea novas composicións. Acompañado por un grupo de músicos de primeiro nivel, capaces de crear atmosferas de gran riqueza sonora e conectar intensamente co público, Auserón propón unha viaxe musical que fusiona rhythm & blues, jazz, rock e soul cos sones caribeños e a tradición lírica española máis brillante . La Academia Nocturna é moito máis que un concerto: é unha experiencia musical viva, onde as cancións adquiren novas dimensións e ábrense espazos de liberdade improvisatoria, facendo que non haxa dúas noites iguais.

Entradas