A XIX Festa do Marisco de Vigo celebrará a súa edición máis ambiciosa do 27 ao 30 de agosto e do 3 ao 6 de setembro, no recinto de O Berbés. A organización prevé superar os 50.000 visitantes nunha cita que duplica os días de celebración respecto a edicións anteriores.

A organización mantén as principais señas de identidade da festa: “produto local, prezo honesto e calidade sen discusión”. A celebración volverá ademais ao propio porto no que se descarga o produto, reforzando a conexión coa actividade pesqueira.

A XIX Festa do Marisco de Vigo ofrece unha ampla selección de produtos do mar a prezos variados, desde os 9,00 € dos mexillóns á vinagreta ata os 36, 00 € do polbo á feira grande. No menú tamén se poden atopar arroz de mariscos (10 €), ameixas á mariñeira (20 €), vieira á galega (14 €), salpicón de centolo e bogavante (26 €), empanadas, cigalas, nécoras, camaróns, percebes e ostras, entre outras propostas.

Programa musical

28 de agosto, 21:30 h – Asociación Os Ventos de Comesaña

29 de agosto, 21:30 h – Asociación Atlántida de Matamá e Grupo de Gaitas

4 de setembro, 21:30 h – Asociación Musical A Papuxa

5 de setembro, 21:00 h – Algarabía Grupo Folk

5 de setembro, 22:00 h – Club Naval

Ademais, haberá música ambiental durante todo o evento, tríos musicais clásicos os sábados e domingos ao mediodía e actividades infantís os sábados e domingos de 13:00 a 16:00 h.

Horario

De xoves a sábado: 12:00 a 16:00 h e 19:30 a 23:30 h
Domingos: 12:00 a 16:00 h