Clausura do Certame de Teatro da Agrupación de Centros Deportivos e Culturais de Vigo.

Domingo, 2 de novembro de 2025 – 18:30 h
Grupo Teatro Escoitade presenta A cova das mil mulleres
Auditorio do Centro Cultural Helios de Bembrive

O Grupo Teatro Escoitade será o encargado de clausurar esta edición coa obra A cova
das mil mulleres, unha peza coral que combina humor, crítica e sensibilidade para dar
voz a múltiples realidades femininas. A función terá lugar no Auditorio do Centro
Cultural Helios de Bembrive, ás 18:30 h, e está dirixida a todos os públicos. A entrada
é libre ata completar capacidade.

Con esta actuación remata un ciclo que, ao longo de cinco fins de semana, levou o
teatro afeccionado aos auditorios de distintas parroquias e barrios de Vigo, reunindo
sobre os escenarios a preto de cen actores e actrices e enchendo de vida cultural os
espazos das asociacións veciñais e culturais da cidade.

A entrada é libre ata completar capacidade.