O Conservatorio Superior de Música de Vigo celebrará o xoves 20 de novembro ás 20:00 h no Auditorio Martín Códax o Concerto de Santa Cecilia, a cargo de alumnado e profesorado do centro. O programa incluirá obras de Rachmaninov, Jukka Linkola, Henri Rabaud e Fritz Kreisler, como avance do Festival Homenaxe a Fritz Kreisler, que terá lugar do 24 ao 28 de novembro no propio CSM Vigo.

Ao rematar o concerto, o departamento de EDLG e a asociación estudantil AECOSVI organizarán o tradicional magosto na cafetería do conservatorio.