MURAL CERÁMICA "MALAS HERBAS"

Con motivo da celebración do 45 aniversario de APAMP, o acto de inauguración da intervención artística “Malas Herbas” terá lugar o 19 de xullo ás 12:30 horas na rúa Miguel Hernández diante do Centro de Día e Ocupacional.

“Malas Herbas” é un mural cerámico elaborado nun dos obradoiros polos artistas David Diz e Aram  Rios . Con esta intervención na rúa queren xerar un entorno que destaque pola súa beleza. As rúas de Vigo estanse a maquillar e lucir bonitas, o obxectivo e xerar na contorna un espazo de arte e poesía  na rúa.