O curso propón un percorrido polos procesos naturais e culturais que conformaron e conforman as paisaxes arredor da ría de Vigo, dende o presente Antropoceno ata o pasado xeolóxico máis remoto.

Os 29+1 xeolugares escollidos arredor das rías serven de guía para recoñecer os relictos das paisaxes pasadas, conservados entre as transformacións do presente.

Unha visita complementaria a un pequeno treito do litoral vigués permitirá achegarse a un caso práctico de acción patrimonial.

Programa

Martes, 21 de abril
19:00 h -21:00 h – Introdución ao curso

• O Antropoceno como proceso de perda de límites entre o natural e o cultural.
• Os procesos de patrimonialización no contexto do Antropoceno.
• A acumulación de patrimonio no contexto do Antropoceno e na perspectiva de Françoise Choay.

Mércores, 22 de abril
19:00 h -21:00 h – Os procesos de patrimonialización arredor da ría de Vigo

• Nova museoloxía, concepto de Museo-Territorio e accións musealizadoras.
• Un caso práctico de fetichismo patrimonial: a espectacularización da natureza no Peirao do Solpor do recheo portuario de Bouzas.
• Introdución á historia xeolóxica e cultural da paisaxe na ría de Vigo.
• As 29+1 olhadas sobre a paisaxe arredor da ría de Vigo I.

Xoves, 23 de abril
19:00 h -21:00 h – As 29+1 olhadas sobre a paisaxe arredor da ría de Vigo II

Venres, 24 de abril
16:00 h -18:00 h – Actividade presencial

• Visita ás praias da Calzoa–Fontaíña–Baluarte en Coruxo para coñecer os valores naturais e culturais deste pequeno treito do litoral, os conflitos entre os diferentes usos e o planeamento, e discutir as posibilidades da acción patrimonial.

Máis información, contacto e formulario de inscripción