LIBROS PARA SOÑAR acada o seu 25º aniversario hoxe xoves, 23 de abril, coincidindo co Día do Libro. A libraría infantil e xuvenil do Casco Vello vigués vai compartir esta efeméride tan especial coas lectoras e cos lectores nunha festa repleta de contos e música que se celebrará este venres ás 18:00 horas.
Participarán a autora Olalla González e o ilustrador Marc Taeger, o músico Paco Nogueiras, a narradora Bea Campos e a educadora Zeltia Pino. A sesión completarase cunha merenda e, ademais, as compras de libros beneficiaranse do desconto habitual co gallo desta data conmemorativa.