Colexio San Fermín
Publirreportaxe
Naceu hai máis de medio século como academia no barrio do Calvario e mantén a mesma filosofía desde entón: a educación integral e en valores. Este pequeno centro concertado de educación infantil e primaria foi galardoado pola asociación de Centros de Galicia co Premio á Excelencia Educativa 2019. A convivencia, a estimulación e a innovación son conceptos que resoan con forza nesta escola da rúa da Travesía de Vigo.
Malia levar o nome dun santo, o colexio mantén un carácter laico. Aquí dáselle moita importancia ao contacto coas familias; tanto é así que pais, nais e demais familiares responsables poden contactar a través de WhatsApp coa xunta directiva do centro e cos titores a traves dunha App propia. Ademais o trato co equipo docente é diario, dando pé a falar antes e despois das clases. Nestas aulas trabállase en grupo e por proxectos, hai seccións bilingües nas clases de plástica e lévanse a cabo diversas metodoloxías como as matemáticas manipulativas ou o traballo baseado en xogos.
Con todo, o eixe central é a biblioteca. O colexio San Fermín está adherido a varios plans da Consellería de Educación para a mellora do espazo lector: clubes de lectura, un programa de lectura en familia ou mesmo unha radio específica. Posúe un comedor administrado pola empresa Calidus Catering Service. O centro ten un horario continuado, das 9:00 ás 14:00 h, cun servizo de entrada desde as 8:30 h, e ofrece actividades extraescolares das 15:30 ás 17:30 h.
Recomendamos poñernos en contacto co colexio para concertar unha cita presencial se nos interesa este centro para a nosa rapazada a través do correo cpr.sanfermin.vigo@edu.xunta.gal ou do teléfono 986 27 21 95.
