Cinema ao aire libre, concertos, visitas teatralizadas e exposicións polo centenario da doazón do Pazo de Castrelos
O pazo de Castrelos é un depósito da historia de Vigo que alberga contos das familias que viviron entre as súas paredes e deron forma ao seu carácter. Este ano celébrase, con máis de vinte actividades, o centenario da doazón do pazo á cidade por parte de Fernando Quiñones de León Elduayen, marqués de Alcedo.
En 1665 constrúese, nuns terreos propiedade de Benita Núñez Bullón, a casa señorial no lugar que ata entón ocupaba unha torre defensiva. Nun primeiro momento esa casa, que constaba dunha única torre, foi coñecida como pazo de Lavandeira, topónimo da zona. Nacía así o Pazo de Castrelos, que ao longo de catro séculos acolleu a multitude de inquilinos, entre eles unha gran presenza feminina que en ocasións é obviada. Fernando Quiñones de León (o marqués de Alcedo) foi quen en 1924 cedeu este inmoble á cidade de Vigo.
Un século despois, o Concello local prepara máis de vinte actividades para conmemorar este fito histórico. Levaranse a cabo en diferentes espazos e algunhas delas aínda non teñen a data e o lugar de celebración definido.
Museo Quiñones de León
- Desde o 19 de setembro, a exposición: O Pazo de Castrelos no centenario da súa doazón, que contará cunha publicación especial.
- O martes 11 de marzo, ofrenda floral, concerto de dúo e arpa, e cóctel, no xardín do pazo ante o busto do marqués.
- Dez visitas teatralizadas de marzo a setembro, os domingos pola mañá.
- Xornada xardíns históricos: o venres 14 de marzo, O Pazo de Castrelos: unha experiencia práctica na xestión e restauración dos xardíns históricos, conducida por profesores e investigadores en paisaxismo, xardinería e patrimonio artístico e cultural.
- Cinco xornadas divulgativas sobre O Pazo de Castrelos: evolución e transformación dun espazo singular (sede por determinar) .
- Vídeo mapping, unha experiencia multimedia sobre a historia do pazo (data por determinar) .
- Ciclo de concertos no exterior: Cen anos de música, con algúns dos xéneros máis populares
- Verán de cinema sobre a herba.
- Nadal en Castrelos, coa recuperación do costume dos marqueses de instalar unha árbore que podía ser visitada pola veciñanza.
Pinacoteca Fernández del Riego
Dúas exposicións:
- Irene Ceballos. Relato verídico da viúva de Policarpo Sanz. Ata de abril .
- Concello de Vigo. Cen anos de coleccionismo de Arte Galega (I), a partir de outubro.
Casa das Artes
Dúas exposicións:
- Concello de Vigo. Cen años de coleccionismo de Arte Gallega (II), a partir de outubro.
- Luis Torras. O pincel persistente, desde abril a maio.
Programa educativo
Distintas actividades dirixidas a todos os públicos, como visitas guiadas, itinerarios temáticos, talleres ou xogos de pistas.
