banneraQUALIA
bannerCulturgal

O novo fogar das “artes raras e antigas”

Despois de 5 anos de actividade na galería White Collective, a curadora viguesa Sandra MG trae á cidade a Casa de las Artes Raras y Antiguas, unha nova proposta na que se centra na mediación e transmisión da arte contemporánea a través de diferentes cursos itinerantes para todos os públicos maiores de 15 anos.

Banner A Movidiña
Participantes no primeiro obradoiro, na Sales | Sandra MG

A Casa de las Artes Raras y Antiguas (CARA) é un proxecto híbrido entre a creación contemporánea e as técnicas artesanais. As propostas levaranse a cabo dentro dun primeiro ciclo, Sábados en el Jardín, no fermoso xardín botánico da Fundación Sales, un espazo ideal para acoller esta serie de propostas artísticas sempre relacionadas co entorno natural. Unha das vantaxes deste espazo é que ten un invernadoiro habilitado para realizar os obradoiros en caso de que a climatoloxía non acompañe.

Outra das características desta iniciativa é que non é necesario ter ningún tipo de coñecemento previo para se anotar aos obradoiros. Estas xornadas teñen lugar un ou dous sábados ao mes e inclúen almorzo para coñecer ás demais persoas participantes, unha visita guiada polo xardín, e os materiais precisos para cada curso. Este sábado 12 hai un obradoiro de fotografía imaprtido por ela mesma baixo o título Aprender a mirar. Formas de expresión fotográfica: miradas desde el Wabi-sabi. Nel aprenderase a expresar mediante fotografías un punto de vista orixinal traballando a partir do concepto xaponés de Wabi-sabi, isto é, buscar a beleza desde a imperfección. Este tipo de visión está intimimanete ligada á observación e a atención plena entre os detalles e recunchos do xardín, ao minimalismo e á natureza. Para os próximos meses están previstos outros cursos de instalación audiovisual, de cerámica e de colaxe.

casadelasartesrarasyantiguas@gmail.com | @casadelasartesrarasyantiguas

The following two tabs change content below.

Pablo Vázquez

Graduado en Comunicación Audiovisual pola Universidade de Vigo, é un apaixoado do cine, da música e da fotografía. É director dos documentais 'O profesor', 'The Death: el reencuentro' e 'Cuna de músicos', ademais de coautor do libro 'Son da cidade', o que lle fixo coñecer aínda máis a escena musical viguesa. Ten traballado con distintos grupos e salas da cidade, ademais de participar nos últimos anos como Xurado Novo nos festivais de cine de San Sebastián e Novos Cinemas.
X