Better Late: nostalxia moderna

Publicado o por

Better Late é unha marca de moda para quen se preocupa por facer as cousas ben e á súa maneira, porque, ás veces, o verdadeiro cambio é baixar o ritmo, prestar atención aos detalles e retomar o control.

Better Late naceu do soño compartido de Gabriel Pérez (CEO e deseñador gráfico) e Gala García (directora creativa e responsable do deseño, a padronaxe e a confección). A idea de crear unha marca de moda xurdiu en 2022; e, como as cousas boas se fan amodo, foi en 2024 cando deseñaron as primeiras pezas e investigaron todos os procesos de produción necesarios para centrar a súa filosofía en catro piares: a creatividade, a sostibilidade, a inclusión e a unión multidisciplinaria das artes. O nome Better Late quere facernos chegar unha mensaxe clara: nun mundo que nos impulsa cara á inmediatez, queren dedicar o tempo necesario a crear algo auténtico, gozando dos pequenos detalles; queren confiar no proceso e non deixarse levar pola presión da fast fashion.

Este outono podemos incluír no armario as pezas de ACTO I: Norman, a primeira colección de Better Late, inspirada na nostálxica cultura tecnolóxica de finais dos oitenta e principios dos noventa. As pezas xiran ao redor de Norman, un personaxe entrañable que encarna a quen vive un pouco fóra do común: meticuloso, sensible, irónico, torpe pero brillante. A Norman non lle dá medo poñer gravatas, bolsos cheos de cables ou camisas de raias. Norman quere convidarnos a vestirnos e sentirmos a liberdade de saír á rúa como nos pete. Mellor tarde que nunca, e agora é o momento de apostar pola moda sostible, orixinal e única.

betterlate.es | @betterlate.official

REVISTA NADAL
The following two tabs change content below.
My Instagram profile

Estela Gómez

Estela naceu no 1992 preto do mar. É filóloga, escritora e correctora literaria, amiga do analóxico, a cultura e a moda vintage. No 2021 foi unha das dez escritoras seleccionadas da Residencia Literaria da Cidade da Cultura dirixida por Javier Peña. No 2025 publicou a súa primeira novela. Poderás atopar a Estela na biblioteca, no cine, no museo, no teatro, nun concerto ou no centro da cidade lendo un libro ao sol.

Publicaciones relacionadas:

  1. O Centro Comercial Camelias tira de nostalxia no seu 30º aniversario cunha exposición fotográfica
  2. A romaría de San Roque, antiga pero moderna
  3. Salgadura literiaria
  4. Variopinto, tecido feminino