Antía Muíño e Grande Amore, embaixadores galegos na nova edición de Girando por Salas

Publicado o por

A cantautora compostelá Antía Muíño e o proxecto vigués Grande Amore son os dous artistas galegos seleccionados para participar na edición #GPS16 do ciclo Girando por Salas, unha iniciativa que financia a xira de 34 grupos por salas de toda España cada inverno.

O programa Girando por Salas (GPS), promovido polo INAEM e a Federación Coordinadora do Circuito de Músicas Populares (FCMP), acaba de anunciar os 34 grupos e solistas que formarán parte da súa edición número 16. Entre eles figuran Antía Muíño e Grande Amore, dous nomes elixidos entre as máis de 300 bandas que optaban a entrar no programa.

Esta iniciativa ten como obxectivo apoiar a profesionalización dos artistas emerxentes, ofrecéndolles axudas para realizar concertos en salas de todo o Estado, sempre fóra da súa comunidade autónoma, ademais de ofrecer apoios para a promoción e produción discográfica dos seus proxectos. Máis de 200 salas inscritas formarán parte deste circuíto que busca manter viva a música en directo tamén nos meses fríos e dar visibilidade á creación independente.

Antía Muíño, natural de Santiago de Compostela e afincada en Donostia, consolidouse como unha das voces máis persoais da nova canción galega. O seu estilo, que bebe do folk atlántico e do jazz vocal, ofrece unha mirada íntima e contemporánea á tradición, cun son elegante e letras de fondo emocional. Pola súa banda, Grande Amore, liderado por Nuno Pico, defínese como “a banda máis ruidosa da súa xeración”. Combina guitarras contundentes, sintetizadores e letras existenciais que xa se converteron en referencia do rock alternativo en galego. O grupo destaca pola súa intensidade en directo e pola aposta por unha linguaxe musical propia.

VIOLENCIA

Girando Por Salas permitirá ao público de fóra de Galicia coñecer o traballo de estes dous atistas galegos, potenciando a súa difusión alén do ámbito de influencia natural.

REVISTA NOVEMBRO
The following two tabs change content below.

Paula Cermeño

Licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado atopala en moitos dos saraos vigueses.

Publicaciones relacionadas:

  1. Antía Muíño, Néboa, Berto e Grande Amore actuarán no Culturgal
  2. Últimos días para inscribirse na nova convocatoria de Girando por Salas
  3. Unha ducia de artistas locais presentan candidatura na 15ª edición de Girando Por Salas
  4. Máis dunha ducia de artistas locais participan en Girando Por Salas (e podes votar por eles)