Andaina fotográfica pola senda verde – A Movida

Andaina fotográfica pola senda verde

Mañá, martes, e o sábado día 5 Disparo Digital organiza unha andaina fotográfica pola antiga liña de ferrocarril que unía Vigo con Chapela e que está en proxecto de se converter nunha senda verde para bicicletas e camiñanantes.

A beleza dun lugar abandonado transfórmase cando o lugar se recupera para o uso e deleite dunha sociedade. Un bo exemplo, son os terreos da antiga liña de ferrocarril dende Vigo ata Chapela que aspiran a converterse, despois de que deixaran de usarse fai sete anos, nun xardín urbano.

Esta transformación da maleza en xardín, da adaptación dunhas vías nun paseo para viandantes e ciclistas, é un obxectivo esperado e ilusiónante para moitos cidadáns.

O obxectivo desta ruta fotográfica, máis alá de coñecer esta vía e futura senda verde, é gozar coa fotografía dun entorno e localizacións moi fotoxénicos e interesantes, ideais para fotografar a paisaxe coa ría de fondo ou practicar o retrato.

Nesta andaina fotográfica pararémonos nalgunhas localizacións no noso camiño pola vía, para practicar a composición e técnica fotográfica con máis detalle.

Pódeste inscribir na ruta fotográfica neste enlace.

01mai10:00Percorrendo a vía do trenANDAINA FOTOGRÁFICA | 13,00€10:00


05mai10:00Percorrendo a vía do trenANDAINA FOTOGRÁFICA | 13,00€10:00

The following two tabs change content below.

Fernando Laconde

O fotógrafo Fernando Laconde, cursou psicoloxía en Santiago de Compostela onde comezou a formarse na súa paixón, a fotografía perfilándoa coma ferramenta pedagóxica e comunicativa. Na actualidade, traballa diversas temáticas fotográficas, dende fotografía arquitectónica e de interiores ao retrato e moda, pasando pola fotografía documental sobre o leste de Europa.
Compartir
X