Alberte ‘take away’: a cociña de autor sae do restaurante

Publicado o por

Nun contexto no que o take away adoita asociarse a solucións rápidas e pouco memorables, o restaurante Alberte propón unha idea distinta: levar a casa (ou á oficina) un menú preparado por un chef con produto de alta calidade, para que calquera celebración ou xantar cotián gañe en calidade sen complicacións.

Alberte traslada a súa cociña de mercado e de autor a un servizo take away que mantén a esencia do restaurante, pero para entender o servizo para levar cómpre primeiro introducir o restaurante. Detrás do proxecto está Alberte, cociñeiro vigués con formación na escola Hoffman de Barcelona e experiencia en restaurantes como Casa Solla, Martín Berasategui ou Can Fabes. Tras anos traballando fóra, decidiu volver a Vigo para montar algo propio. “Quería apostar por crear algo diferente na miña cidade”, explica. Primeiro foi Hierba Luisa; desde hai tres anos, Alberte, un restaurante recoñecido co selo Slow Food polo seu compromiso real polo produto de temporada.

XORNADA XUNTA

En Alberte a cociña é radicalmente estacional. A carta cambia todos os días e, en moitos casos, incluso entre servizos. O produto manda: peixes do día preparados á brasa, verduras no seu mellor momento, caza menor cando a tempada o permite. “Buscamos sempre a mellor calidade posible, cada vez mellor”, afirma o cociñeiro. Non hai un receitario fixo nin pratos intocables, pois todo depende do que os proveedores e as lonxas ofrezan.

O restaurante ten pouca capacidade. Unha ducia de comensais por servizo como máximo, mesas separadas, luz cálida, intimidade e unha atención moi personalizada. O desexo de que máis persoas probasen a súa cociña sen alterar a dinámica pausada da sala, deu vida ao servizo para levar. “Mentres que o restaurante é unha experiencia exclusiva, o take away é algo máis popular, do día a día… un recurso para cando te reúnes cos amigos e queres comer ben sen cociñar”, resume o cociñeiro.

Empanada de chocos de Aldán e torta de queixo estilo Zuberoa

A diferenza da sala, onde o mercado e a estacionalidade mandan nunha carta que cambia semanalmente, a proposta para levar é máis estable pero mantén un rigor absoluto na selección da materia prima de temporada. Entre as opcións para comezar, atopamos elaboracións como o micuit de foie de pato con redución de Oporto, as croquetas de boletus edulis e parmesano ou a empanada artesá de chocos da Ría de Aldán na súa tinta. Como pratos principais, Alberte propón opcións individuais, como as faceiras de tenreira galega lacada con parmentier ou as albóndigas de vaca rubia madurada con berenxenas asiáticas; e tamén propostas para compartir, como as fabas de Lourenzá con rape ou o xarrete de tenreira galega, ideal para grupos de ata oito persoas.

Canelón de polo asado con salsa de boletus e galleta de parmesano e faceiras con parmentier de pataca

As persoas interesadas poden realizar o seu pedido a través do teléfono 986 899 019, do correo electrónico reservas@alberte.es ou mediante mensaxe directa nas súas redes sociais. A recollida realízase no propio establecemento da rúa Rosalía de Castro, 65, en bolsiñas indivisuais seladas ao baleiro. No momento da recollida, o equipo explica o xeito óptico de rexenerar os pratos para que o cliente poida darlle o toque final na casa.

R. de Rosalía de Castro, 65 | @alberte_takeaway | reservas@alberte.es | 986 89 90 19

The following two tabs change content below.

Paula Cermeño

Licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado atopala en moitos dos saraos vigueses.

Publicaciones relacionadas:

  1. La Mesa de Conus, cociña de autor en directo
  2. Un festín que sabe a mar no Restaurante Bitadorna
  3. María Manuela, restaurante para amantes do bo viño
  4. La Artesata, a bocadillería gourmet con alma de restaurante