BannerGNight

Acustíquisimos trae a Travis Birds e Mr. Kilombo ao Mar de Vigo

O hall do Auditorio Mar de Vigo acollerá dous concertos do ciclo Acustiquísimos, os de Travis Birds e Mr. Kilombo os días 12 e 13 de novembro, respectivamente; mentres que Marwán e Niños Mutantes, en formato dúo, actuarán os días 19 e 20 do mesmo mes no Hall Proa do Palexco, en A Coruña.

Banner A Movidiña

O ciclo de concertos Momentos Alhambra Acustiquísimos desvelou este luns o cartel da súa Edición Atlántica 2021, que se celebrará os días 12, 13, 19 e 20 de novembro nas localidades de Vigo e A Coruña. Travis Birds, Mr. Kilombo, Marwán e Niños Mutantes actuarán na cuarta edición da cita musical galega que, desde 2018, ofrece cada outono experiencias sonoras únicas con artistas imprescindibles do panorama musical estatal, nas que sempre colgou o cartel de “entradas esgotadas”. Serán catro sesións irrepetibles, en formato íntimo e para público reducido, que servirán como carta de presentación das súas últimas novidades discográficas en acústico.

Travis Birds será a responsable de abrir a Edición Atlántica 2021. Farao o venres 12 de novembro, ás 21:30, no hall do Auditorio Mar de Vigo. No recinto presentará, por primeira vez na cidade olívica, o seu evocador segundo disco, La costa de los mosquitos. Ao día seguiente, a madrileña cederá a testemuña a Miki Ramírez e o seu personalísimo proxecto Mr. Kilombo. O cantante dará a coñecer Curtocircuíto, o seu novo álbum, un traballo repleto de melodías pegadizas e retrousos contundentes. Marwán e Niños Mutantes farán o propio en A Coruña os días 19 e 20 do mesmo mes.

O xoves 16 de setembro, ás 10:00, Momentos Alhambra Acustiquísimos activará a venda de entradas para asistir ás catro sesións da Edición Atlántica 2021. O único punto de venda autorizado será a plataforma en liña ataquilla.com (non haberá venda en puntos físicos) e o público poderá comprar entradas individuais ou dobres. Esta última opción, do mesmo xeito que na pasada edición, está pensada para aquelas persoas que queiran sentar xuntas e que declaren de forma responsable ser conviventes. O prezo das entradas, para os concertos na nosa cidade, será de 13€ para as individuais e 26€ para as dobres, gastos non incluídos. Todas as actuacións comezarán ás 21:30.

X