Das Cabinet des Dr. Caligari ( “El gabinete del dr Caligari” traducida a español) é un filme alemán de terror, dirixido por Robert Wiene e escrito por Hans Janowitz e Carl Mayer que foi estreado en 1920. É un dos máis influentes filmes do expresionismo alemán e un dos mellores filmes de terror do cine mudo. O guión está inspirado en varias experiencias vividas por Janowitz e Mayer, ámbolos dous pacifistas que desconfiaban da autoridade despois das súas experiencias vividas durante a Primeira Guerra Mundial.

Argumento
Sentado no banco dun parque, Francis anima ó seu compañeiro Alan para que vaian a Holstenwall, unha cidade do norte de Alemaña, a ver o espectáculo ambulante do doutor Caligari. Un empregado municipal que lle nega ó doutor o permiso para actuar, aparece asasinado ó día seguinte. Francis e Alan acoden a ver ó doutor Caligari e a Cesare, a súa atracción somnámbula, que lle anuncia a Alan o seu porvir: morrerá ó día seguinte.

A pelicula vai ser musicada en directo con theremin e guitarra polo músico vigués Paulo Pascual.

A publicación galega de pensamento crítico “A Trabe de Ouro” xa ten na rúa o seu número 110. Por iso convidarán a algúns dos seus contribuíntes e autores, a que nos falen da revista e nos presenten os seus contidos. A presentación correrá a cargo de Xosé Luís Méndez Ferrín, o filósofo Francisco Sampedro Ojeda nos falará da “Actualidade de Marx” e o historiador Lucio Martinez Pereda de “O Pazo de Meirás e o Mercado do Patriotismo”. O número tamén inclúe textos de Manuel Lago, Óscar Lopes, Francisco Fernández Rei, Francesc Pujols, Daniel Salgado, Miro Villar, Oriana Méndez, Pancho Niño, Xiana López e Lucía España.

Descrición:

“Vigo, gran urbe industrial do noroeste peninsular, próxima a unha fronteira e cun marcado carácter liberal, aberto e cosmopolita, típico das grandes cidades portuarias, foi e segue sendo un referente dentro do mundo da arte e os movementos culturais. Ao comezo faremos unha pequena introdución da cidade onde trataremos estes e outros temas. O papel de Vigo como eixo da Movida dos anos 80 e outras historias sorprendentes que conforman a historia recente desta metrópole atlántica sempre á vangarda das artes e a industria e que convén repasar antes para entender mellor todo o que imos ver a continuación.

Durante a visita, faremos numerosas paradas para ver o mellor da arte urbano e do grafiti máis puro, con pezas selecciondas que iremos comentando e que nos axudarán a identificar as diferentes disciplinas que existen.

Veremos obras “site specific”, falaremos de bombardeiros e “potas”, e sobre todo dalgunhas firmas… algunha tan importante como a do pioneiro do grafiti en España, Muelle, que alá por 1990 deixou tambièn a súa pegada na nosa cidade.

Compartiremos de forma amena e didáctica as distintas variantes da arte urbano vigués e o seu contexto visitando canellóns da cidade co mellor e máis auténtico da arte rueiro, algún dos murais de recente creación e salas míticas que fixeron de Vigo eixo principal da movida dos 80.”

Freetour Vigo

Inscripción (máx. 20 pers) no 654226994

Actividade dentro do programa Vigo Pesqueiro, unha proposta de FUNDAMAR (Fundación para la pesca y marisqueo) para promover o coñecemento da nosa contorna e da actividade marítima e pesqueira pola que Vigo goza de tanto renome.

O programa está composto por catro actividades que se desenvolverán do 15 ao 28 de xuño e están dirixidas ao público familiar que queira somerxerse no pasado e presente mariñeiro da cidade.

Todas as actividades requiren inscrición previa, que deberá realizarse por correo electrónico no enderezo info@vigopesqueiro.

Venres 28 de xuño, ás 11:00: Descobre Toralla, villae e illa, e visita á ECIMAT.
Anímate a participar nesta visita que comezará cunha aproximación ao mundo romana na “Villae Toralla” única villa de Galicia totalmente excavada e que pode ser visitada . Cruzando a ponte do Vao entraremos nunha illa que conta cunha historia ancestral que fala de fenicios, de factorías de metais ou salazóns, de mosteiros, de tranvías, e xa na actualidade de investigacións mariñas: visita á ECIMAT , O Centro de Investigación Mariña da Universidade de Vigo.

De venres a domingo (17:00 a 21:00). Non é preciso preinscribirse. 

Nace un novo proxecto da Concellería de Xuventude chamado “Estar de ocio”, unha alternativa de lecer para os adolescentes durante as fins de semana en Vigo. O proxecto está destinado a mozos e mozas de entre 13 e 17 anos residentes en Vigo ás/aos que se propón pasar o seu tempo libre de maneira diferente pretendendo previr o consumo de drogas e outras adiccións como a adición ao xogo, fomentando un estilo de vida positivo a través de obradoiros e dinámicas lúdicas, participativas e que fomenten as relacións baseadas no respecto e a igualdade.

A proposta está formada por un conxunto de obradoiros, actividades e concertos. Simultaneamente desenrolaranse 4 obradoiros, cada un deles terá unha duración de unha hora e media. Pasado este tempo rotarase de xeito que tódolos interesados/as poidan gozar de todas as actividades propostas. Ademais, haberá varios mini-concertos de 30 minutos cada un por sesión realizados por grupos de música local (rock, pop, electrónica, indie, etc.).

Estes serán algúns dos obradoiros:

• Obradoiro de GRAFFITI, no que profesionais deste campo ensinaranlles como utilizar os materiais cos que se traballa e como crear esta arte urbana.
• Obradoiro de RAP, no que aprenderán a expresar o que senten e o que pensan aprendendo a compoñer as súas propias cancións.
• Obradoiro de REGUEIFAS, no que se achegarán á tradición oral, compoñendo os seus primeiros versos e coplas improvisadas.
• Obradoiro de POESÍA, un espazo de creación poética, onde os versos libres fluirán desde a experiencia directa, a improvisación e o debate.
• Obradoiro de CAPOEIRA, no que mellorarán as súas condicións físicas, desenvolverán a coordinación motora e o equilibrio, a axilidade, flexibilidade e destreza.
• Obradoiro de HIP HOP e breakdance.
• Obradoiro de COMIC e pintura, no que explorarán no inmenso mundo da pintura e iniciaranse no cómic.
• Obradoiro de TEATRO e expresión corporal, no que se iniciarán nas técnicas teatrais, no traballo corporal e na creación de sketches.

ESTAR DE OCIO arranca o primeiro fin de semana de abril e contará con actividades repartidas de venres a domingo de 17 a 21 horas na Casa da Xuventude de Vigo.