Pasión Vega, Amancio Prada e actividades feministas na fin de semana do 8M en Vigo
Esta fin de semana a cidade tínguese de violeta para conmemorar o 8M. Ademais haberá concertos, teatro e espectáculos de circo, desde David Otero ata Amancio Prada e Zorra Despiadada. Se queres coñecer todos os eventos que hai esta fin de semana entra na axenda de A Movida.
8M – De venres a domingo – De balde
A cidade conmemora o Día Internacional da Muller cunha axenda que abrangue exposicións, recitais, xornadas de reflexión, actividades familiares, mobilizacións, música, teatro e mesmo unha travesía marítima con perspectiva de xénero, que culminan o domingo coa gran manifestación que parte ás 18:00 h da praza de España.
CONCERTO DE DAVID OTERO – Venres ás 20:30 h na Sala Supersonic – Desde 20,00 €
Nesta xira, David Otero abre a porta a unha experiencia única: un concerto íntimo, próximo e sen artificios, onde só a súa voz e a súa guitarra bastan para percorrer as cancións que marcaron a súa vida e a de varias xeracións. En escenarios pequenos e especiais de toda España, cada función convértese nun encontro irrepetible, case como estar no salón da casa. Entre melodías e confidencias, David comparte non só a súa música, senón tamén as historias que latexan detrás de cada canción. Un convite a escoitar, sentir e conectar coa esencia máis pura dun artista en estado natural.
Pasión Vega presenta Pasión Almodóvar, unha recompilación das cancións máis emblemáticas das películas de Pedro Almodóvar, na que compartirá escenario cun dos pianistas de jazz máis recoñecidos do panorama musical actual, Moisés P. Sánchez, tamén encargado dos arranxos musicais. Moisés estará acompañado polo seu trío de jazz; todos músicos excepcionais.
TEATRO GORRILLA – Sábado de 18:00 h ás 23:00 h en Churruca – Caixa inversa
O próximo sábado 7 de marzo inicia o ano de Teatro Gorrilla no barrio de Churruca. Cunha programación que enche o barrio de Churruca con cinco propostas escénicas en cinco bares que se transformarán en escenarios para acoller ás artistas que nos acompañan: Tinta Negra ás 18:00 h, Candela ás 19:00 h, The City ás 20:00 h, Casa de Arriba ás 21:00 h e Arco da Vella ás 22:00 h.
III FOLIADA O SON DA REBULLÓN – Sábado ás 20:00 h na Sala Rebullón – Desde 10,00 €
Leni Pérez & Sekadra é un proxecto de música tradicional galega cunha roupaxe moderna no que ten cabida tanto as influenzas do jazz contemporáneo europeo como doutras culturas. Exploran a fusión da nosa música de raíz de tradición oral na voz e pandeireta de Leni Pérez, xunto ao dúo de jazz Sekadra, formado por Paulo Silva, baterista e Arturo Rúa teclados. Os carecos é un grupo de música tradicional que iniciou a súa viaxe sonora en 2014 e na súa música sobresaen as polifonías e o traballo vocal, xunto cun dominio total da percusión de man. Ao remate dos concertos dará comezo a foliada aberta.
ESPECTÁCULO CONCIERTO CLAP – Sábado ás 20:00 h no Auditorio Cívico de Teis – Desde 10,00 €
Un espectáculo de circo-teatro que combina percusión corporal, acrobacias e comedia sen uso de palabras, potenciando a expresividade corporal e logrando unha linguaxe universal e de carácter popular. Desde a súa creación en Arxentina en 2017, a compañía levou a súa proposta a numerosos espazos e festivais de Arxentina e América Latina.
CONCERTO DE AMANCIO PRADA – Sábado ás 20:30 h no Teatro García Barbón – Desde 11,60 €
Celebrar medio século dun disco é celebrar a viaxe dunha vida enteira. Hai cincuenta anos, Amancio Prada iniciou unha peregrinación sonora ao corazón da poesía de Rosalía de Castro, e aquel primeiro paso, o seu legendario álbum, converteuse na brúxula que guiou a súa traxectoria. Este concerto é un miradoiro dese camiño para contemplar a paisaxe percorrida, desde a pureza das primeiras cancións, xa parte da memoria colectiva, ata as relecturas maduras que mostran como medrou o diálogo íntimo coa poeta.
CONCERTO DE QUEEN RENDI – Sábado ás 20:30 h na Sala Doppler – Desde 3,00 €
Zorra Despiadada chega a Vigo para vivir unha noite moi especial xunto ao público dentro destes shows que está a arrancar con moita ilusión. Tras o lanzamento do disco, cada concerto convértese nunha oportunidade para compartir estas cancións cara a cara, sen filtros, como lle gusta facelo: preto do público, coa enerxía do directo e con todo o que este proxecto quere transmitir desde o escenario.
CONCERTO GHIBLI TRIBUTO – Sábado ás 21:00 h no Mar de Vigo – Desde 20,00 €
Baixo a máxica atmosfera creada por milleiros de candeas, interpretarase en directo as composicións máis queridas de películas como O viaxe de Chihiro, O meu amigo Totoro, A princesa Mononoke, O castelo ambulante e moitas máis. Este tributo busca transportar ao público ao corazón de cada historia, evocando a ternura, a aventura e a beleza que converteron a Studio Ghibli nun referente mundial do cine de animación. É un evento íntimo e evocador, pensado para todos os públicos e especialmente para quen medrou con estas historias ou atopou nelas unha fonte de inspiración e sensibilidade artística. Unha experiencia sensorial para revivir emocións e celebrar a música que deu alma a tantos mundos imaxinarios.
CONCERTO DE SAIBRÁN – Sábado ás 21:30 h na Sala Kominsky – Desde 12,00 €
Cibrán xa é coñecido pola súa traxectoria con Boyanka Kostova, pero nesta ocasión preséntase cun enfoque distinto: chega para dar a coñecer o seu primeiro traballo discográfico en solitario, titulado Atardecer Harmonioso. Este disco supón o inicio da súa carreira como artista independente, e o concerto na cidade será a oportunidade perfecta para escoitar en directo estas novas composicións. É interesante ver como artistas con experiencia en grupos consolidados se aventuran a explorar outros sons e historias por conta propia, e este traballo parece seguir precisamente esa senda de busca persoal dentro da música actual.