CASAACUNHA

A arte de sentirse ben

Sofía Vázquez

Zentangle é un método de debuxo creado en 2004 por Rick Roberts e María Thomas que se realiza a través da repetición de certos patróns xeométricos e lineais. Sofía Vázquez descubriu hai oito anos esta disciplina, da que agora é a única mestra certificada na cidade para ofrecer clases. Os beneficios van máis aló da satisfacción creativa, pois segundo ela é unha forma de terapia que non precisa de coñecementos previos: «Busca o crecemento persoal, a autoestima e a diversión; é debuxo meditativo», sintetiza. Tamén incide na importancia de dedicarlle cada día un tempo a relaxarse e descubrir o artista interior dunha maneira espontánea. Actualmente realiza estes cursos no espazo de Bamboo Art Studio & Coworking (rúa do Paraguai, 12) e clases privadas a domicilio, ideais para agasallar.

Banner A Movidiña

Sofía Vázquez | 666 51 18 20 | sofiavazquezarte@gmail.com | Facebook: @sofiavazquezart | Instagram: @sofiavazquezart

Taller Arterial

Metade galega, metade mexicana, a artista Patricia Fornos abriu hai ben pouco un obradoiro no que realiza creacións (que son moi apreciadas no mercado estadounidense) e ofrece cursos de creación de amigurumi (bonequiños de la) e bordado contemporáneo, e outros que están por vir relacionados coa creatividade, tanto para pequenos como para adultos, ou de bordado mexicano. «Quero que as miñas clases sexan unha vía de escape nas que poidas aprender, pero tamén relaxarte», comenta. Neste espazo tamén atopamos diferentes produtos da súa colleita, como cuncas, calcetíns ou camisetas con motivos relacionados coa mitoloxía galega.

Taller Arterial | Rúa de Pi i Margall, 86, baixo, 1 | 613 01 94 08 | patriciafornos@gmail.com | IG: @taller_arterial | FB: @patriciafornosillustrator

The following two tabs change content below.

Pablo Vázquez

Graduado en Comunicación Audiovisual pola Universidade de Vigo, é un apaixoado do cine, da música e da fotografía. É director dos documentais 'O profesor', 'The Death: el reencuentro' e 'Cuna de músicos', ademais de coautor do libro 'Son da cidade', o que lle fixo coñecer aínda máis a escena musical viguesa. Ten traballado con distintos grupos e salas da cidade, ademais de participar nos últimos anos como Xurado Novo nos festivais de cine de San Sebastián e Novos Cinemas.