A 9ª edición do GFFF estrea un Roteiro Gastronómico Freak
O Galician Freaky Film Festival da a coñecer unha das novidades da súa novena edición, a celebración dun Roteiro Gastronómico Freak. Deste xeito, o festival suma a gastronomía á ampla programación de actividades, incrementando a súa singularidade.
O Roteiro Gastronómico Freak é unha ruta de tapas que pretende levar o frikismo do festival á rúa e ós bares de Vigo. Entre os días 18 e 26 de setembro, cinco restaurantes da cidade olívica ofrecerán unha Tapa Fantástica, creada especialmente para a ocasión:
- La Revoltosa (Rúa Cruz Branca, 5) | Revolto de miolos
- El Estribo (Rúa do Ecuador, 38) | Croquetas Aracnobaby
- Mocca (Rúa de Nicaragua, 23) | Merlina’s Hot Dog
- El Bar (Rúa do Doutor Cadaval, 11) | Gilda Vudú
- Lume de Carozo (Rúa Joaquín Yáñez, 5) | Pambazito do Inframundo
O público poderá degustar, votar e decidir cal será a tapa gañadora do Olimpo Gastronómico dos Freaks 2025. Ademais, entre os participantes, sortearanse entradas para a clausura do GFFF e unha cea para dúas persoas nalgún dos restaurantes mencionados.
As entradas para o GFFF poden mercarse premendo AQUÍ. O resumo da súa programación completa é o seguinte:
