GFFF
GFFF

29 espectáculos de teatro, danza e humor chegan a Vigo este outono

Publicado o por

Vigocultura, o programa municipal de artes escénicas, vén de publicar o programa completo de espectáculos para o outono de 2024, no que encontramos teatro, danza, espectáculos de rúa, sesións infantís e monólogos.

Espectáculo Arteilusio

A partir do venres 27 de setembro, co pasacalles Ulterior Viaxe, porase en marcha o primeiro dos 20 espectáculos de produción galega e os 9 de compañías de fóra de Galicia programados ata finais de outubro dentro de do programa municipal de artes escénicas VigoCultura . As actuacións terán lugar no Auditorio Municipal, agás os dous primeiros, e contarán con entradas a prezos reducidos.

Na programación encontramos propostas de teatro, danza e humor, e tamén para o público miúdo. Entre as actuacións máis reseñables atópase a obra prevista o sábado 28 de setembro, na Porta do Sol, co espectáculo Artilusio de Markeliñe Teatro. Acto seguido, o venres 4 de outubro a actriz viguesa Celia Freixeiro actuará no Auditorio Municipal coa obra Marcela. Unha canción de Cervantes. Para o sábado 5 de outubro está prevista a actuación, no Auditorio Municipal, do premiado actor Javier Gutiérrez coa obra O traxe. O sábado 19 de outubro a obra de humor gestual War Baby, da compañía Yllana, tamén se representará no Auditorio Municipal.

Outro dos espectáculos máis reseñables, como xa se adiantou no mes de xullo, será a peza Camino al zoo, protagonizada por Fernando Tejero, Dani Muriel e Mabel do Pozo e producida pola compañía Pentación, creada nos anos 80 por Rafael Álvarez “El Brujo”.

Entradas:

As entradas poñeranse á venda o vindeiro martes, 10 de setembro, a partir das 10 da mañá e poden adquirirse sen gastos de xestión na web www.giglon.com, presecialmente na librería Libros para Soñar, situada na rúa Triunfo, 1 e, de quedaron dispoñibles, poderán mercarse o mesmo día da función na billeteira.

Programa completo (en vermello os espectáculos familiares):

27 de setembro ás 20h – Tiritirantes Circo Teatro – Ulterior el viaje – Pasarrúas (Príncipe, Marco a Porta do Sol)

28 de setembro ás 19h – Markeliñe Teatro – Artilusio – Espectáculo de rúa na Porta do Sol.

4 de outubro ás 20h – Sociedad Cervantina – Marcela. Una canción de Cervantes.

5 de outubro ás 20h – Beginners 2021 – El traje

6 de outubro ás 18h – Teatro Paraíso – Entrecajas

11 de outubro ás 20h – Pentación SA – Camino al Zoo

12 de outubro ás 20h – Amorodio Teatro – Cortello de amor

13 de outubro ás 18h – Xarope Tulú – A teteira de Kabul

18 de outubro ás 20h – Etiqueta Negra – Mochila al pasado

19 de outubro ás 20h – Yllana – War Baby

20 de outubro ás 18h – Redrum Teatro – Os contos de Lobicán

25 de outubro ás 20h – Etiqueta Negra – Go Home

26 de outubro ás 20h – Antagonista Teatro Insubmisa

27 de outubro ás 18h – Joshua Kennet – Degustación de imposibles

1 de novembro ás 20h – Sarabela Teatro O dragón de ouro

2 de novembro ás 20h – Verdeveras Expresións Artísticas As formas do amor

3 de novembro ás 18h – Cia La Sincro – OhLimpiadas!

8 de novembro ás 20h – Talía Teatro Unha inimiga do pobo

9 de novembro ás 20h – ButacaZero O único que verdadeiramente quixen toda a vida é ser delgada

10 de novembro ás 12, 16:30 e 18 – Zig Zag Danza – Mimesis -Espectáculo para bebés Aforo súper reducido (70 pax por sesión)

15 de novembro ás 20h – Redrum Teatro – Hamelin

16 de novembro ás 20h – Troponontroppo – A noite xusto antes dos bosques

17de novembro ás 18h – Tropos, Teatro de Títeres – La ratita presumida

22 de novembro ás 20h – De Ste Xeito Producións – Feminíssimas

23 de novembro ás 20h – Fran Sieira. Cía de Danza – CEIBE

24 de novembro ás 18h – Elefante Elegante – Kyoki

REVISTA SETEMBRO

29 de novembro ás 20h – Teatro do Noroeste – Último verán en Santa Cristina

30 de novembro ás 20h – Paula Pier – Eu, Fraude!

1 de decem,bro ás 12:30 e 18:00 – Amarelo – O arcón de Noa

The following two tabs change content below.

Paula Cermeño

Paula Cermeño é licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado avistala en moitos dos saraos vigueses.